Кога ќе ме видиш
со црвен кармин,
и ќе помислиш и дека по толку години
баш убаво ми стои,
сети се оти за лек ми е,
кога по тебе душата ми е болна.
Кога ќе ме видиш со црвен кармин,
светната и насмеана до уши,
и ќе помислиш дека и по толку години среќна е,
сети се дека тоа маска е,
што од светот и тебе ме крие.
Кога ќе ме видиш
со црвен кармин,
и ќе помислиш и дека по толку години
таква цврста и силна
одмерена и мирна е,
сети се дека во мене
цунами се крие,
после кое едвај жива сум,
а ни малку мртва.
Кога ќе ме видиш со црвен кармин,
и ќе помислиш и дека после толку години сеуште има едно мало парче од мигот кога твоја бев ,
сети се дека последниот наш
бакнеж,
црвен беше,
и никогаш не се повтори.
А јас во знак на жалост по тебе
црвено носам,
зошто во црвеното те сокрив за век .
Кога ќе ме видиш со црвен кармин,
не плачи, јас исплакав за двајца…
не зборувај, јас онемев за двајца,
не барај ме, јас без тебе морав и мора…
Кога ќе ме видиш со црвен кармин,
наведни ја главата како пред паднат борец, намевни се за себе,
и знај дека таму некаде,
има една жена црвени усни,
кои кога на тебе ќе се сетат се смејат…
Маја Андоновска Илијевски
Глумицата